Олунньу 23 күнүгэр, Аҕа дойдуну көмүскээччилэр күннэригэр, Сартаҥ эдэр ыччатын түмсүүтүн кө5үлээҺининэн кэнсиэр буолан ааста. Бу кэнсиэргэ киирбит үп Украина5а буола турар анал байыаннай эпэрээссийэҕэ көмө фондатыгар ыытыллар диэн сыаллаах-соруктаах тэрилиннэ. Ону тэҥэ бэйэ өттунэн харчынан көмөлөҺүөн баҕалаах дьоҥҥо аналлаах дьааҺык кулууп фойетыгар турда, минньигэс ас арааҺа атыыланна. Уопсайа бу тэрээҺин түмүгүнэн 20 000 солкуобай киирдэ (кэнсиэргэ киирии — 9150 солк., анал дьааҺыкка — 6500 солк., ас дьаарбаҥкатыгар — 4350 солк.). Бу киирбит харчы барыта докумуоннанан баран Өрөспүүбүлүкэбит көмө фондатыгар ыытыллыаҕа. Анал эпэрээссийэ кыттыылаахтарыгар көмөлөҺөр баҕаттан бэйэлэрин кылааттарын киллэрсибит биир дойдулаахтарбытыгар ис сүрэхпититтэн махтанабыт. Чуолаан минньигэс ас дьаарбанкатыгар кыттыспыт Потапова Татьяна Прокопьевна5а, көрөөччүлэргэ оонньуу ыыппыт Слепцова Любомира Платоновна5а, оонньууга бириис олохтообут Сотрудникова Зоя Степановна5а, кэнсиэрбитин киэргэппит оскуолабыт талааннаах о5олоругар уонна сынньалаҥ киинин үлэҺиттэригэр эдэр ыччат түмсүүтүн аатыттан бар5а махталбытын тиэрдэбит!
Эдэр ыччат түмсүүтэ
